بسبب ارتفاع الأسعار.. منى عراقي توجة رسالة قوية للسيسي

adv11

عبر رسالة صادمة وغير متوقعة للرئيس : عبدالفتاح السيسي، أعربت الإعلامية المثيرة للجدل “منى عراقي“، عن استيائها الشديد من الارتفاع المتواصل للأسعار.

وكتبت “عراقي” في نص رسالتها: “بص ياريس.. 

البيضة بقت بجنيه ونص انت مُدرِك .. العدس مابقاش للفقرا .. 

وجبة الفول ع العربية بعد ماكنت بخمسة بقت بسبعة البامبرز زاد 40? 

اه وربنا ده غير لبن الأطفال المجفف.. التونه بقت ب 30 جنيه.. البصل و البطاطس ب 10 جنيه.. سندوتش البطاطس برا بقي بـ 5 جنيه بقينا نجوع بجد”

كما تابعت: “أكل الغلابه غلي أوي يا ريس مش هقولك عيزين لحمة وفراخ ابسط حقوقنا مبقتش موجودة.. متجوش علي اكل الغلابه يا سعادة الريس متجوووش علي اكل الغلابه يا سعادة الريس.. 

طيب الناس الغلابه اللي كانو بيتغدو بطاطس مقليه و شويه فول هياكلوا ايه..

 ده غير الزيادة اللى بيزودها التجار..

انت عارف ياريس إن المرتب بتاع المواطن بقى بيجيب تلت الحاجة اللى كان ببها الأول.. وكأن اللى بيقبض 1000 بقى بيقبض 350”.

أما عن المرضى، فاستطردت عراقي: “طب نسبنا من الاأكل في ناس بتموت بتتمني بس تلاقي حق الدوا اللي غلي بيتقطعو كل يوم من الآلم.. جرب تنزل القصر العيني .. 

فـ حالات لا يعلم بها الا الله الدوا غلي والناس مش لقيه تاكل .. والتعليم ف الأرض.. الناس بتكلم نفسها يعنى دلوقتى نمووت من الجوع ما ناكلش ولا نولع في البلد ولا نعمل إيه الواحد فعلا تعب”، مختتمة: “هتتحاسب قدام ربنا علي كل واحد فينا جاع ومعهوش فلوس تكفي وكل واحد تعب ومعهوش تمن العلاج”.

adv22