adv11
في كشفه عن الأدوار المتعددة التي قامت بها الراقصة سما المصري بإيعاز من
السلطة التي تعتبرها أداة من أدواتها " القذرة " قال رجل مبارك المعروف
سامح أبو عرايس في تدوينة له فضح فيها كيف كانت سما المصري راقصة الانقلاب
الأولى عبر حسابه بـ"فيس بوك" وقال :
"سما المصري مش مجرد مغنية أو راقصة لكنها صنيعة نظام الحكم وأداة من
أدواته .. لما أراد العسكر حل مجلس الشعب وتشويه التيار الاسلامي زقوها على
النائب السلفي البلكيمي فشوهته ورمت بلاها عليه
وده كان تشويه للتيار الإسلامي كله وتمهيدا لإسقاط الإخوان والتيار الديني
.. لما أرادوا تشويه مرسي بعد الانقلاب عليه زقوها عليه تعمل أغاني تسخر
منه وتشرشح له .. لما البرادعي ( رغم التحفظ على
مواقفه ) رفض مذبحة رابعة واستقال زقوها عليه تعمل أغاني تهينه وتسخر منه
وتشرشح له .. لما أوباما كان رافض في البداية إسقاط مرسي زقوها عليه تعمل
أغنية تشتم أهله وتقول " يا أوباما أبوك وأمك "
لدرجة ان أمريكا تدخلت لدى البحرين وأغلقت محطة سما المصري على القمر
الصناعي البحرينيي". وأشار إلى أن النظام "لما أراد لما أراد كسر مرشحي
البرلمان لصناعة برلمان الصوت الواحد زقوها
تترشح في الانتخابات علشان تبقى إهانة للبرلمان من قبل بدايته وعلشان
النواب يمشوا على عجين مايلخبطوهوش .. وحاليا بتعلن عن إنها هتعمل برنامج
ديني في رمضان لسببين .. الأول إنها تهين فكرة الدين
ورجال الدين وده يتماشى مع الرغبة في كسر هيبة رجال الدين و في تجديد
الخطاب الديني والثورة الدينية .. والثاني إنها تلهي الناس عن غلاء المعيشة
والغضب من الحكومة بنظرية بص العصفورة" حسب قوله. وتابع: "زمان كانت توجد
مهنة اسمها (الشردوحة ) اللي اتحرف اسمها بعد كده الى (الشرشوحة) .. كانت
بتبقى سيدة من وسط اجتماعي متدني لما يبقى واحد متغاظ من شخص اخر منافس
سياسي أو
تجاري أو على خلاف معه يروح للشردوحة يدفع لها فلوس مقابل أنها ترمي بلاها
على خصمه و " تشرشح " له وتشتمه فتكسر هيبته بين الناس .. ده اللي بيعمله
النظام بالضبط باستخدام سما المصري .. باختصار سما المصري هي " شردوحة "
النظام اللي بيزقها على معارضيه وبيستخدمها لإهانة خصوم أو أفكار .. وعلاقة
الأنظمة والديكتاتورية بالشراشيح والساقطات قديمة واتكلم عنها كثير زي
فيلم
(كشف المستور ) اللي كان عن الموضوع ده .. دي القصة باختصار .
adv22
0 Komentar untuk " رجل مبارك يفضح راقصة السيسي : سما المصري راقصة الانقلاب الأولى !"