قبطي يحرج الابراشي على الهواء “السيسي وعوده كلها كاذبة ومفيش أي كلمة قالها اتنفذت”

adv11

قال أحد الاقباط المتواجدين في النمسا وذلك في مداخلة هاتفية مع الاعلامي وائل الابراشي في برنامجه العاشرة مساء والذي يذاع عبر قناة دريم الفضائية ” أنا عاوز اتكلم عن الموضوع الاصلي لما ست مصرية قبطية اتعرت ومحدش اتكلم وكل اللي علموا كده خدوا براءة ؛ العمدة ومدير الامن والمحافظ مخدوش جزائهم والناس اللي عملت كده مخدوش برضوا جزائهم والقانون للأسف متفعلش “.
هذا وتابع القبطي حديثه  ” إحنا دائما بنتضرب وكمان مش عايزينا نقول آي ليه كده ؟ ؛ ده إذا كان رئيس الدولة بيقولك هنفعل القانون طب فين يا عم القانون اللي هيتفعل ده ؟ ؛ ده المنفذين خدوا براءة يعني هل هما بيعاندوا الرئيس ولا بيعاندوا الاقباط ولا الرئيس بيقول حاجه ومش قادر ينفذها ولا التيار السلفي كلمته مسموعه أكثر من الرئيس “.
كما وهاجم القبطي في مداخلته السيسي حيث قال ” المفروض السيسي إن هو رئيس لما يقول كلمة تتنفذ بسرعه بس للأسف ملهوش كلمة لأن اللي حواليه كلمتهم أعلى منه ومش هو اللي بيدير البلد ؛ ومفيش كلمة من اللي قالها اتنفذت أو المسؤولين نفذوها وكل الوعود اللي وعدنا بيها السيسي متنفذتش ؛ طب على الاقل يوقفوا مدير الامن والعمدة والمحافظ بس للأسف محصلش أي حاجه وكل اللي حصل فقط كلام في الهواء “.
وفي تصريح مقتضب فقد استنكرت السيدة المعتدي عليها تعامل قوات الامن والشرطة المصرية معها في داخل مركز المنيا،حيث قالت ” نا لما روحت مركز الشرطة وحكيتلهم اللي حصل قالولي .. إنتي عاوزة تعملي فتنه طائفية ومشوني وطردوني وروحت على البيت مع اني أنا انتخبت انتخبت السيسي عشان يحميني وقلتلهم كده بس مسمعونيش بتاتا “.
هذا وقد اكدت أسقف المطرانية في بيان لها عقب تعرية سيدة مسيحية ” هناك مجموعة يقدر عددها بثلاثمائة شخص، خرجوا في الثامنة من مساء يوم الجمعة الموافق ٢٠ مايو ٢٠١٦ يحملون أسلحة متنوعة فتعدوا على سبعة من منازل الأقباط، حيث قاموا بسلبها وتحطيم محتوياتها وإضرام النار في بعضها، حيث تقدر الخسائر مبدئيا بحوالي ثلاثمائة وخمسين ألفاً من الجنيهات “.

---

adv22